Rúmlega 50 jarðskjálftar hafa mælst við kvikuganginn frá miðnætti. Það er nokkuð minna en síðustu daga en þá hafa mælst um 1.500 til 1.800 skjálftar á sólarhring.

Enginn jarðskjálfti yfir tveimur að stærð hefur mælst það sem af er degi.

Grindavík. mbl.is/Eggert Jóhannesson

Líkt og í gær má gera ráð fyrir að hvassviðrið sem núna gengur yfir landið hafi áhrif á næmni kerfisins til að finna minnstu skjálftana. Þess vegna er erfitt að meta hvort dregið hafi úr skjálftavirkni.

Að sögn Salóme Jórunnar Bernharðsdóttur, náttúruvársérfræðings á Veðurstofu Íslands, er staðan almennt svipuð og síðustu daga. Enginn gosórói hefur mælst og engar nýjar fréttir eru af landrisi á svæðinu.

Sundhnúkur og Hagafell liggja yfir kvikuganginum, sem nær frá gígaröðinni og í suð-suðvestur undir Grindavík. Kort/mbl.is

Tengdar fréttir

Eldvirkni á Reykjanesskaga

Gatan í bylgjum og bíllinn hoppaði

• Eldgos nú talið ólíklegt í nóvember
• Skoða hvort Hvalur 8 og 9 geti hitað upp Suðurnes
• Telja sig geta rekið Grindavík til 2026
• „Ekkert okkar getur sett sig í spor ykkar“

» Fleiri tengdar fréttir

• Blogga um frétt