Búið er að hanna leiði- og varnargarða fyrir norðan Grindavíkurbæ sem eiga að beina hraunflæði austur fyrir byggðina ef til eldgoss kemur í Sundhnúkagígum.

Frétt af mbl.is

Neyðargarður fyrir Grindavík í skoðun

Einnig er búið að hanna varnargarða fyrir vestan bæinn til að verja byggðina ef kvika kemur upp, t.d. fyrir vestan Svartsengi eða í Eldvörpum. Þá ætti að vera hægt með tiltölulega hröðum hætti að setja upp leiði- og varnargarða til að verja byggðina þeim megin.

Þetta sagði Guðrún Hafsteinsdóttir dómsmálaráðherra á Alþingi í svari við fyrirspurn Sigmundar Davíðs Gunnlaugssonar, þingmanns Miðflokksins.

Frétt af mbl.is

Gæti flætt aftur inn í kvikuganginn

„Stærsta áhyggjuefnið okkar hefur verið orkuverið og við höfum verið að gera af okkar veikasta mætti allt sem hægt er til þess að sjá við móður jörð til þess að verja orkuverið í Svartsengi,” sagði hún.

Keflavíkurflugvöllur. mbl.is/Eggert Jóhannesson

Einnig sagði hún í svari sínu að ef eldgos kæmi upp í sjó myndu flugsamgöngur truflast verulega á Keflavíkurflugvelli. Flugmálayfirvöld hefðu rýnt það mál vel og gert ráðstafanir þess efnis að flugumferð yrði beint á Egilsstaði og Akureyri. Sú vinna stæði yfir.

Tengdar fréttir

Eldvirkni á Reykjanesskaga

Hættumat lækkað í Grindavík

• Rockville borholan tekin í notkun á nýju ári
• „Höfum sloppið bærilega með skaða af þessu gosi“
• Líklegt að farið verði af neyðarstigi í dag
• Væri komið yfir innviði ef ekki væru varnargarðar

» Fleiri tengdar fréttir

• Blogga um frétt