Fjölskyldan komst inn fyrr í vikunni til að bjarga öðrum helstu verðmætum en í gær var komið að plöntunum. Þar á meðal voru afleggjarar af um 75 ára gömlum kaktus og stærðarinnar pálmi sem var bara agnarsmár þegar Halla flutti inn í húsið á sínum tíma.

Halla og fjölskylda björguðu afleggjara af 75 ára kaktus, monsteru og stærðarinnar pálma. mbl.is/Eggert Jóhannesson

„Það eru svo miklar tilfinningar í blómunum, afleggjarar frá ömmu og langömmu og svoleiðis,“ segir Halla. Fjölskyldan er komin með húsnæði til skamms tíma í Reykjavík.

Fjöldi Grindvíkinga fór inn í bæinn í gær til að bjarga verðmætum, það var þó mismikið sem fólk sótti. Flestir voru aðeins að sækja restina af því nauðsynlegasta og fæstir með stóra bíla til að sækja heilu búslóðirnar.

Hægt er að nálgast umfjöllunina í heild sinni í Morgunblaðinu í dag.

Tengdar fréttir

Eldvirkni á Reykjanesskaga

Auknar líkur á kvikuhlaupi eða eldgosi

• Skelfur við Eldey
• Ólíklegt að ein eldstöð hafi áhrif á aðrar
• Hækka hættumat um mánaðamótin
• Tengist mögulega Sundhnúkagígaröðinni

» Fleiri tengdar fréttir