Fjórir í haldi eftir hnífaárás í Grafarholti

Fjórir menn eru í haldi lögreglunnar vegna hnífaárásar sem átti sér stað í Grafarholti í nótt. Þetta staðfestir Ævar Pálmi Pálmason aðstoðaryfirlögregluþjónn í samtali við mbl.is.

Frétt af mbl.is

Hnífstunguárás í Reykjavík í nótt

„Við erum með fjóra menn í haldi í tengslum við þessa árás,“ segir Ævar Pálmi í samtali við mbl.is.

Að sögn Ævars er líðan þess sem varð fyrir hnífaárásinni í nótt eftir atvikum. Hann segist ekki hafa upplýsingar um hvort hann sé í lífshættu en áverkarnir séu alvarlegir. Ævar staðfestir að árásin hafi átt sér stað í Grafarholti.

Frétt af mbl.is

Þarf að tryggja aðskilnað fanga og fangahópa

Ævar segir að eitt af því sem sé til skoðunar er hvort árásin í nótt tengist árás sem átti sér stað á Litla-Hrauni í gær en þar varð fangi fyrir alvarlegri líkamsárás að hálfu annars fanga og var hann fluttur á sjúkrahús.

Spurður hvort skotárásin í Silfratjörn í síðasta mánuði tengist atvikinu í nótt segist Ævar Pálmi ekki getað tjáð sig um það og að málið sé í rannsókn.

• Blogga um frétt