Á morgun verða heimildir íbúa í Grindavík rýmkaðar til flutninga á munum sínum. Íbúum er áfram heimilt að fara inn í Grindavík til að sækja verðmæti og huga að eigum sínum frá klukkan 9-16 en þá eiga allir að yfirgefa bæinn.

Frétt af mbl.is

Litlar líkur á að jól verði haldin í Grindavík

Þetta kemur fram á vef almannavarna og þar segir enn fremur:

„Daglega fer fram mat á því hvort svigrúm verði til að halda óbreyttu fyrirkomulagi. Allar aðgerðir almannavarna eru miðaðar út frá öryggi og hagsmunum ykkar íbúa Grindavíkur og til að auðvelda að koma ykkur fyrir á sem bestan hátt á nýjum stað, þótt tímabundið sé.

Áfram ríkir hættustig almannavarna en líkur á fyrirvaralausu eldgosi eru taldar minni en áður var og svigrúm til þess að bregðast við eldgosi, eru taldar rýmri en áður. Öryggi ykkar er haft í fyrirrúmi og því gæti þurft að rýma bæinn með mjög stuttum fyrirvara.“

Frétt af mbl.is

Bjartsýnir björgunarsveitarmenn settu upp skilti

Hægt að fá heimild fyrir flutningabíla

Breytingarnar sem taka í gildi frá morgundeginum felast í því að nú er hægt að fá heimild fyrir flutningabíla til að flytja eigur og þurfa Grindvíkingar að sækja um það inni á Ísland.is.

„Aðgerðastjórn mun úthluta ykkur ákveðnum tíma til að fara inn með stóra bíla, og raða því eftir hverfum og götum eins og best er talið. Áfram er ykkur að sjálfsögðu heimilt að nota bíla þar sem einungis þarf almenn ökuréttindi, bílar sem eru allt að 3,5 tonn að heildarþyngd. Áfram er einnig heimilt að notast við kerrur,“ segir í tilkynningunni.

Tengdar fréttir

Eldvirkni á Reykjanesskaga

Auknar líkur á kvikuhlaupi eða eldgosi

• Skelfur við Eldey
• Ólíklegt að ein eldstöð hafi áhrif á aðrar
• Hækka hættumat um mánaðamótin
• Tengist mögulega Sundhnúkagígaröðinni

» Fleiri tengdar fréttir

• Blogga um frétt