Konráð nýr aðstoðarmaður Þórdísar

Konráð S. Guðjónsson hefur verið ráðinn til starfa sem aðstoðarmaður fjármála- og efnahagsráðherra, Þórdísar Kolbrúnar Reykfjarðar Gylfadóttur.

Þetta kemur fram í tilkynningu frá ráðuneytinu.

Konráð er með B.Sc. gráðu frá Háskóla Íslands og M.Sv frá Warwick háskóla í Englandi. 

Hann hefur undanfarið hálft ár starfað sem aðalhagfræðingur Arion banka, en hann starfaði einnig hjá Stefni, dótturfélagi bankans og áður í greiningardeild bankans, segir í tilkynningu frá fjármála og efnahagsráðuneytinu. 

Áður var hann hagfræðingur og aðstoðarframkvæmdarstjóri Viðskiptaráðs Íslands til fjögurra ára og starfaði að auki tímabundið sem efnahagsráðgjafi Samtaka atvinnulífsins. 

Þá hefur hann einnig sinnt kennslustörfum, starfað hjá Hagfræðistofnun Háskóla Íslands og við þróunarsamvinnu í Úganda og Tansaníu. 

Konráð er fæddur árið 1988 og alinn upp á Vopnafirði. 

Inga Hrefna Sveinbjarnardóttir er einnig aðstoðarmaður fjármála- og efnahagsráðherra. 

• Blogga um frétt