Sparnaður heimila vex á ný
Setja bókamerki
Sparnaður heimila landsins virðist vera að aukast á nýjan leik en í fyrra og framan af þessu ári gengu heimilin töluvert hratt á þann mikla sparnað sem safnast hafði upp á meðan covid gekk yfir. Hlutfall sparnaðar af áætluðum ráðstöfunartekjum þeirra er aftur komið nálægt meðaltali sparnaðarins eins og það var fyrir farsóttina.
Þetta má lesa úr umfjöllun í Peningamálum Seðlabankans. Bent er á að mikill „umframsparnaður“ byggðist upp hjá heimilunum á farsóttartímanum sem stuðlað hefur að kröftugum vexti einkaneyslunnar á undanförnum misserum.
Á tímum farsóttarinnar jókst nýr sparnaður heimila (mismunur ráðstöfunartekna og einkaneyslu) úr 198 milljörðum árið 2019, í 307 milljarða 2020 og var 279 milljarðar 2021. „Þrátt fyrir kröftugan vöxt einkaneyslu á árinu 2022, m.a. í ljósi uppsafnaðrar eftirspurnar frá farsóttartímanum, spöruðu heimilin samt sem áður um 211 [milljarða kr.] á því ári og 98 [milljarða kr.] til viðbótar á fyrri helmingi þessa árs,“ segir í Peningamálum. Innlán heimilanna hafa aukist um samtals 463 milljarða frá árslokum 2019 eða um 1,2 milljónir á hvern íbúa að meðaltali.
Hægt er að nálgast umfjöllunina í heild sinni í Morgunblaðinu í dag.
Bendir hveitifyrirtæki á kærumöguleika
Stefnt að afgreiðslu Íslandsbankasölu á vorþingi
Ætla ekki að skila peningnum
Ekki tekist að vernda börn þrátt fyrir vitneskju
Skotinn til bana við skyldustörf
„Þetta er ógnvænleg staða“
Stakk móður sína yfir tuttugu sinnum
Viljum hvorki vera Danir né Bandaríkjamenn