Sleginn í höfuðið með spýtu

Lögreglan á höfuðborgarsvæðinu var kölluð í heimahús í nótt vegna atviks þar sem maður var sleginn í hausinn með spýtu. 

Í dagbók lögreglu kemur fram að tilkynning barst rétt eftir klukkan hálf eitt í umdæmi lögreglustöðvar 3 sem sinnir verkefnum í Breiðholti og Kópavogi. 

Maðurinn var fluttur á slysadeild til aðhlynningar og rannsakar lögregla nú málið. 

Rétt fyrir klukkan eitt barst tilkynning um mann að hoppa á bifreiðum í íbúðahverfi í miðbænum. 

Er lögregla kom á staðinn var maðurinn handtekinn og vistaður í þágu rannsóknar málsins. 

• Blogga um frétt