Stærsti skjálftinn á skaganum í tæpa viku
Setja bókamerki
Jarðskjálfti af stærðinni 3 mældist á Reykjanesskaga í nótt. Er hann sá fyrsti sem mælist á skaganum af stærðinni 3 eða stærri í tæpa viku. Hann átti upptök sín um 4,4 kílómetrum suðaustur af Keili, í töluverði fjarlægð frá kvikuganginum við Svartsengi.
Skjálftinn mældist klukkan 3.42 í nótt, á um 4,6 kílómetra dýpi. Síðast mældist skjálfti yfir 3 af stærð á Reykjanesskaga á sunnudaginn. Sá mældist um þremur kílómetrum vestur af Kleifarvatni, einnig í töluverðri fjarlægð frá kvikuganginum.
/frimg/1/35/73/1357327.jpg)
Spenna sem myndaðist út frá kvikuganginum
Hildur María Friðriksdóttir, náttúrvársérfræðingur á Veðurstofu Íslands, segir að skjálftinn hafi líklegast orðið til vegna spennulosunar á Reykjanesskaganum, en ekki kvikusöfnunar á svæðinu.
„Kvikugangurinn hafði svo stór og mikil áhrif á allt Reykjanesið. Þá myndast spenna út frá honum og þá geta til dæmis sprungur hrokkið til og jarðskjálftar komið á öðrum svæðum langt frá, því Reykjanesið er þannig byggt að það myndast spenna þegar flekarnir hreyfast,“ segir Hildur í samtali við mbl.is.
„Það er að hægja á þessu öllu“
„Við erum ekki að sjá nein þenslumerki á austanverðum skaganum. Þetta er allt þarna við Svartsengi og ganginn þarna við Sýlingarfell. En það er að hægja á þessu öllu,“ segir Hildur.
Um 320 skjálftar hafa mælst í kvikuganginum við Svartsengi frá miðnætti. Hildur segir að það sé umtalsverð fækkun.
Hún segir miklar líkur á því að dregið hafi úr kvikustreymi inn í ganginn.
Inga Sæland fyrir og eftir ráðherrastólinn
Stakk móður sína yfir tuttugu sinnum
Ekki tekist að vernda börn þrátt fyrir vitneskju
Ætla ekki að skila peningnum
Bendir hveitifyrirtæki á kærumöguleika
Ákærður fyrir tilraun til manndráps
Náðun stuðningsmanna Trumps vekur ólík viðbrögð
„Ég hef verið kjaftaskur mikill“