Altjón á efri hæð hússins sem brann

Um altjón er að ræða á efri hæð Stangarhyls 3 sem brann í morgun en á þeirri hæð búa sex manns. 

Þetta segir Skúli Jónsson, aðstoðaryfirlögregluþjónn hjá lögreglunni á höfuðborgarsvæðinu, í samtali við mbl.is.

Frétt af mbl.is

Þrír fluttir á slysadeild vegna bruna

Einn íbúanna kvaðst hafa séð eld koma úr þurrkara við hlið þvottavélar í eldhúsinu, segir Skúli. Hann segir að enn eigi eftir að rannsaka vettvang og upptök eldsins. Tæknideild lögreglunnar mætir á vettvang seinna í dag.

Ekkert er komið fram hjá lögreglunni um það hvort að þetta sé samþykkt íbúðarhúsnæði eða ekki.

Eins og mbl.is hefur greint frá þá voru þrír fluttir á slysadeild og einn karlmaður á fertugsaldri er þungt haldinn á spítala eftir brunann.

Frétt af mbl.is

Maður á fertugsaldri liggur þungt haldinn

• Blogga um frétt