Isaac kominn heim til Íslands
Setja bókamerki
Isaac Kwateng, vallarstjóri Þróttar sem var sendur af landi brott í síðasta mánuði, er kominn aftur til Íslands. Hann segist vera búinn að fá vegabréfsáritun og ætlar að snúa aftur á Þróttaravöllinn.
Isaac kom hingað til lands árið 2017 og sótti þá um alþjóðlega vernd. Um miðjan síðasta mánuð var honum síðan vísað úr landi, til Gana, eftir sex ára bið og óvissu hérlendis. Isaac lítur á Ísland sem heimaland sitt og því sótti hann um atvinnu- og dvalarleyfi hér á landi til þess að komast aftur til landsins.
„Ég kom í gær,“ segir Isaac í samtali við mbl.is en umsókn hans um atvinnu- og dvalarleyfi var samþykkt í byrjun mánaðar og nú hefur hann loksins fengið vegabréfsáritun, sem gerði honum kleift að snúa aftur til landsins.
Snýr aftur til Þróttar
„Ég er ótrúlega spenntur yfir því að vera kominn heim. Ísland er annað heimilið mitt og ég hef eignast marga vini og eignast fjölskyldu hér,“ segir Isaaac.
Þróttarar sýndu Isaaci mikinn stuðning þegar vísa átti honum úr landi. Þeir efndu m.a. til styrktarleikjar helgina fyrir brottvísun hans. Isaac lítur á Þróttara sem fjölskyldu sína og snýr nú aftur til starfa hjá knattspyrnufélaginu.
„Þróttur er fjölskylda mín, samfélagið mitt,“ segir hann. „Þess vegna vil ég vera a Íslandi.“
Þriðja tilboðið hugsanlega á leiðinni
Mikið magn af rauðvínspóstum eftir helgar
Langþráð hótel gæti risið á næsta ári
Frömdu hundruð stríðsglæpa í árásinni
86 milljóna króna hagnaður Icelandair
Best að skella á og hringja strax í bankann
Við höfum „runnið til baka niður brekkuna“