Truflaði umferð og sló lögreglumann

Lögreglan á höfuðborgarsvæðinu handtók einstakling í Hlíðunum en hann hafði áður verið að trufla umferð um Sæbraut. 

Í dagbók lögreglu kemur fram að einstaklingurinn sló lögreglumann og hafði í hótunum við lögregluna.

Einstaklingurinn var vistaður í fangaklefa þar til rennur af honum.

Þá var óskað eftir aðstoð lögreglu á heimili á Selfjarnesi þar sem hafði helst úr súpupotti yfir ungling. Ekki er vitað um alvarleika brunasára barnsins.

Ekið á tvo ljósastaura 

Lögreglu barst tilkynning um tvö umferðaróhöpp þar sem ekið var á ljósastaur. 

Í Laugardalnum fylgdi tilkynningunni að tveir einstaklingar hefðu gengið í burtu frá bifreiðinni. Þeir voru handteknir skammt frá og vistaðir í fangaklefa í þágu rannsóknar málsins en þeir eru grunaðir um akstur undir áhrifum vímuefna. 

Í Múlunum var ekið á annan ljósastaur en sá ökumaður er grunaður um akstur undir áhrifum áfengis og er vistaður í fangaklefa þar til rennur af honum. 

• Blogga um frétt