Ákærður fyrir hrottafengna árás

Ákæra hef­ur verið gef­in út á hend­ur karl­manni sem grunaður er um hrotta­legt of­beldi gagn­vart fyrr­ver­andi kær­ustu sinni í skóg­lendi í ág­úst. Þetta staðfest­ir Kol­brún Bene­dikts­dótt­ir vara­héraðssak­sókn­ari.

Sam­kvæmt gæslu­v­arðhalds­úrsk­urði sem birt­ur var í síðasta mánuði mátti lesa óhugn­an­leg­ar lýs­ing­ar á of­beldi manns­ins gegn kon­unni, en fyr­ir til­vilj­un átti gang­andi veg­far­andi leið um og kallaði til of­beld­is­manns­ins, sem lét sig þá hverfa. 

Gæslu­v­arðhald yfir mann­in­um átti að renna út í dag en embætti héraðssak­sókn­ara hef­ur farið fram á að það verði fram­lengt um fjór­ar vik­ur. 

Héraðsdóm­ur hef­ur ekki staðfest varðhalds­kröf­una.

Frétt af mbl.is

Áfram í varðhaldi grunaður um hrotta­lega árás

Hef­ur sætt gæslu­v­arðhaldi í 12 vik­ur

Maður­inn, sem grunaður er um að hafa ráðist að kon­unni og ít­rekað lamið og sparkað í hana, hef­ur sætt gæslu­v­arðhaldi síðan 4. sept­em­ber.

Er hann einnig grunaður um að hafa reynt að kyrkja kon­una og haldið henni með kyrk­ing­ar­taki þar sem hún var með höfuðið und­ir vatni í nær­liggj­andi læk. 

Vitni sem átti leið eft­ir stíg í skóg­lend­inu varð var við árás­ina og sagðist hafa séð mann lemja konu og stappa ofan á höfði henn­ar. Lýsti vitnið því að hafa séð mann­inn beygja sig niður að kon­unni og byrja að kyrkja hana og sagt: „Á ég ekki bara að svæfa þig, klára þetta núna?“

Sagðist vitnið hafa kallað til þeirra og þá hafi maður­inn litið upp, séð vitnið og staðið upp og hlaupið af vett­vangi.

Kon­an var nef­beins- og and­lits­brot­in eft­ir árás­ina og með opin sár á höfði, marga mar­bletti á höfði, hálsi og víðar um lík­amann.

Frétt af mbl.is

„Á ég ekki bara að svæfa þig, klára þetta núna?“

• Blogga um frétt