Heitavatnslögn fór í sundur og laugin lokuð

Heitavatnslögn fór í sundur í Grafarvogi og því er Grafarvogslaug lokuð. Frá þessu er greint á Facebook-síðu Grafarvogslaugar. 

Óvíst er hvenær hægt verður að opna laugina aftur. 

Í tilkynningu á vef Veitna segir að heitavatnslaust sé í hluta Grafarvogs núna. Búið er að staðsetja bilunina en ekki er hægt að áætla hvenær heitt vatn kemst aftur á. 

Er fólki bent á að hafa skrúfað fyrir alla heitavatnskrana til að draga úr hættu á slysi eða tjóni þegar vatnið kemst á að nýju. 

Uppfært kl. 13.02:

Grafarvogslaug er opin á nýjan leik. 

Kortið sýnir þann hluta Grafarvogs þar sem heitavatnslaust er. Kort/Veitur

• Blogga um frétt