Tilefni fyrirspurnarinnar er að í húsunum tveimur virðist rekin gististarfsemi á vegum SIF Apartments o.fl. aðila. Fyrrgreint félag er með þrettán skráð rekstrarleyfi fyrir íbúðir í húsunum báðum, en sjö leyfi hafa verið gefin út vegna annarra íbúða í húsunum sem eru í eigu nokkurra aðila.

Enda þótt svo sé, þá sýnir mynd sem birtist í Morgunblaðinu sl. mánudag að í húsunum báðum eru 29 íbúðir merktar félaginu SIF Apartments, en rekstrarleyfi eru um helmingi færri.

Frétt af mbl.is

Stór hluti íbúða leigður ferðafólki

Munurinn á fasteignasköttum í A- og C-flokki er sá að í A-flokk fellur íbúðarhúsnæði og getur álagningarprósentan verið frá 0,5% til 0,625% af fasteignamati. Í C-flokk fellur atvinnuhúsnæði, þó ekki opinberar byggingar, og getur álagningarprósentan í þeim flokki verið á bilinu 1,32% til 1,65% af fasteignamati. Skv. framansögðu geta fasteignaskattar af atvinnuhúsnæði því verið ríflega þrefalt hærri en af íbúðarhúsnæði.

Í svari frá Reykjavíkurborg við fyrirspurn Morgunblaðsins kemur fram að munur sé gerður á heimagistingu og rekstrarleyfisskyldri útleigu íbúða í atvinnuskyni. Samkvæmt lögum sé heimagisting gisting gegn endurgjaldi á lögheimili einstaklings eða í annarri fasteign sem hann hefur til persónulegra nota og er í hans eigu. Gististaðir séu aftur á móti staðir þar sem boðin er gisting að hámarki í 30 daga samfleytt í senn gegn endurgjaldi.

Hvað varðar íbúðir SIF Apartments sem spurst var fyrir um, þá séu þær eðli málsins samkvæmt ekki heimagisting, en þar eru útgefin rekstrarleyfi í flokki II, gististaður án veitinga. Húsnæði þar sem rekin er rekstrarleyfisskyld atvinnustarfsemi flokkist sem atvinnuhúsnæði og taki álagning fasteignaskatta mið af því.

Frétt af mbl.is

„Féll á tækniatriði“

Tengdar fréttir

Húsnæðismarkaðurinn

Blanda íbúða, þjónustu og verslana

• Nýjar íbúðir eru lengur að seljast
• Búseta skortir byggingarlóðir
• Horfa út fyrir Reykjavík vegna bílstæðaskorts
• „Það er verið að byggja rangar íbúðir“

» Fleiri tengdar fréttir