E. coli-mengun greinist víðar

Við sýnatöku á neysluvatni á Þingeyri hefur komið í ljós E.coli-mengun. Eru íbúar hvattir til að sjóða drykkjarvatn til að gæta varúðar.

Tekin voru ný sýni í gær, þann 30. nóvember. Frá þessu er greint í tilkynningu frá Heilbrigðiseftirliti Vestfjarða. Búast má við niðurstöðum úr sýninu um helgina. Á vef heilbrigðiseftirlitsins má einnig finna suðuleiðbeiningar og upplýsingar um örverumengað vatn.

Greindist í Bolungarvík

Við sýnatöku er leitað að saurbakteríum, kólígerlum og saurkólí-gerlum, sem eru bakteríur sem hafa uppruna sinn í þörmum dýra með heitt blóð. Tilvist þeirra segir því til um ferska eða nýlega saurmengun.

Vísibakteríur í neysluvatni gefa tilefni til að álykta að aðrar og hættumeiri bakteríur gæti verið þar einnig að finna.

Í síðustu viku greindist E. coli-meng­un einnig vatns­sýn­um í Bol­ung­ar­vík og var íbú­um ráðlagt að sjóða neyslu­vatn.

Frétt af mbl.is

Íbúum ráðlagt að sjóða neysluvatn

• Blogga um frétt