Ríkissaksóknari áfrýjar manndrápsmáli

Ríkissaksóknari hefur áfrýjað dómi Héraðsdóms Reykjaness í manndrápsmáli, sem átti sér stað á bílaplani við verslun Fjarðakaupa, til Landsréttar. Fjög­ur ung­menni voru dæmd í mál­inu.

Þorgils Þorgilsson, verjandi eins piltanna, staðfestir áfrýjunina í samtali við mbl.is en Ríkisútvarpið greindi fyrst frá. 

Í byrjun nóvembers var átján ára piltur dæmdur í 10 ára fangelsi fyrir manndráp í Hafnarfirði á bílastæði við verslunina Fjarðarkaup. Pólskur maður á þrítugsaldri lést í árásinni.

Tveir aðrir piltar, sem báðir eru undir átján ára aldri, hlutu tveggja ára dóm fyr­ir sinn þátt í árás­inni, en brot þeirra flokkaðist und­ir vís­vit­andi lík­ams­árás.

Sautján ára göm­ul stúlka hlaut tólf mánaða skil­orðsbund­inn dóm til fimm ára fyr­ir brot á hjálp­ar­skyldu, en hún tók árás­ina upp.

Frétt af mbl.is

Tíu ára dómur fyrir manndráp í Hafnarfirði

Frétt af mbl.is

Hinn látni með fleiri en einn stunguáverka

• Blogga um frétt