Edda Björk í 30 daga gæsluvarðhaldi
Setja bókamerki
Edda Björk Arnardóttir situr nú í 30 daga gæsluvarðhaldi í bænum Skien í Noregi. Þetta staðfestir Jóhannes Karl Sveinsson, lögmaður Eddu Bjarkar, í samtali við mbl.is.
Eins og fram hefur komið var Edda Björk framseld til Noregs og send þangað í gær eftir að Landsréttur staðfesti ákvörðun héraðsdóms um framsal hennar.
Fær hálftíma á dag
Jóhannes Karl segir að Edda hafi fengið norskan verjanda, en hún sitji í fangelsinu og megi ekki tala við neinn, nema verjanda sinn í hálftíma á dag.
„Þetta eru hennar kjör þar til kemur að norsku réttarhöldunum,“ segir Jóhannes Karl sem segir að hann hafi orðið fyrir vonbrigðum með niðurstöðu Landsréttar í málinu.
Hann segir að það sé rétt að dómsmálaráðherra Íslands geti ekki haft afskipti af málinu þegar það er komið á þetta stig, því nú er það alfarið komið í hendur norskra yfirvalda.
Synir Eddu Bjarkar eru í öruggum höndum á Íslandi að sögn Jóhannesar Karls.
Þarf að koma til móts við ólíkar þarfir lækna
Reiðubúin að aflýsa verkföllum í fjórum leikskólum
Í kappi við tímann að reyna að afstýra verkfalli
„Við höldum áfram þangað til við erum búin“
Ása Ellerup flutt út og ætlar að selja húsið
77 ár á milli þess elsta og yngsta
Vegirnir voru eins og borðstofuborð