Keyrði stolinni bifreið utan í skilti og aðra bíla

Fjórir ökumenn voru í dag stöðvaðir af lögreglu grunaðir um ölvunar-og fíkniefnaakstur. Lögregla kveðst hafa þurft að beita valdi þegar hún handtók ökumann sem keyrði um á stolinni bifreið og ók meðal annars utan í skilti og á aðra bifreið.

Fram kemur í dagbók lögreglunnar á höfuðborgarsvæðinu að á milli klukkan 5-17 hafi maður verið tekinn með piparúða á skemmtistað og málið verið afgreitt á staðnum. Lögreglan fann svo á heimili annars manns kannabisplöntur sem og fleiri fíkniefni. Maðurinn var handtekinn og málið er til rannsóknar.

Frétt af mbl.is

Maður stunginn í miðbæ Reykjavíkur

Grunaður um akstur undir áhrifum

Tilkynnt var um ökumann vörubíls sem flúði vettvang eftir að hafa ekið utan í skilti og aðra bifreið. Þegar lögregla kom á vettvang kveðst hún hafa þurft að beita valdi.

Fljótlega kom í ljós að um væri að ræða stolna bifreið og að ekið hefði verið utan í fleiri hluti og aðra bíla stuttu áður.

Ökumaðurinn er grunaður um akstur undir áhrifum fíkniefna og var maðurinn vistaður í fangaklefa vegna málsins.

• Blogga um frétt