Myndir: Ljósin tendruð á Óslóartrénu við Austurvöll

Það var margt um manninn þegar ljósin voru tendruð á Óslóartrénu við hátíðlega athöfn á Austurvelli í Reykjavík í dag en hefð er fyrir því að þau séu tendruð á fyrsta sunnudegi í aðventu.

Eftirvæntingin skein úr augum barnanna og bæði börn og fullorðnir tóku upp símtækin og fönguðu stafrænar minningar.

Katla Margrét Þorgeirsdóttir leikkona var kynnir, Lúðrasveit Reykjavíkur lék aðventu- og jólalög og Sigríður Thorlacius, Snorri Helgason og hljómsveit fluttu jólalög í tilefni dagsins.

Katla Margrét Þorgeirsdóttir leikkona var kynnir. mbl.is/Arnþór

Það var margt um manninn í nepjunni á Austurvelli í dag. mbl.is/Arnþór

Lúðrasveit Reykjavíkur lék aðventu- og jólalög við tendrunina. mbl.is/Arnþór

Þá flutti Þórdís Lóa Þórhallsdóttir borgarfulltrúi þakkarræðu og Abdullah Alsabeehg borgarfulltrúi flutti kveðju frá Óslóarborg og afhenti þýddar bækur sem gefnar verða á skólabókasöfn í grunnskólum Reykjavíkur.

Tufti og tröllabörnin létu sjá sig til að gleðja gesti og gangandi, en misjafnt var hvernig viðstaddir tóku í nærveru kynjaveranna.

Tufti og tröllabörnin létu sjá sig til að gleðja gesti og gangandi. mbl.is/Arnþór

Misjafnt var hvernig viðstaddir tóku í nærveru kynjaveranna. mbl.is/Arnþór

Sigríður Thorlacius, Snorri Helgason og hljómsveit fluttu jólalög í tilefni dagsins við góðar undirtektir viðstaddra. mbl.is/Arnþór

Jólasveinarnir Bjúgnakrækir og Askasleikir stálust í bæinn öllum að óvörum til að syngja og skemmta kátum krökkum.

Það kom svo í hlut fjögurra og hálfs árs gamla norsk-íslenska drengsins Kristþórs Viljars Danssonar að aðstoða við að tendra ljósin á trénu.

Ljósin voru tendruð við hátíðlega athöfn klukkan 16 í dag, á fyrsta sunnudegi í aðventu, eins og hefð er fyrir. mbl.is/Arnþór

Eftirvæntingin skein úr augum barnanna. Þegar tendrað var á ljósum Óslóartrésins lýstu þau upp andlit viðstaddra. mbl.is/Arnþór

Það tókst virkilega vel til og ánægjan skein úr hverju andliti í nepjunni á Austurvelli.

• Blogga um frétt