„Þetta er bara sprunga og svo hrynur ofan í sprunguna,“ segir Ármann Höskuldsson, eldfjallafræðingur og jarðefnafræðingur við Jarðvísindastofnun Háskóla Íslands, um holurnar í Grindavík.

Frétt af mbl.is

Getur týnst ef þú ert forvitinn

Hann segir holurnar sem hafa myndast eðlilegar afleiðingar af jarðhræringunum. Dýpstu holurnar hafa mælst allt að tuttugu metra djúpar, að sögn Ármanns. „Þetta er allt venjulegt.“

„Þetta [skurðurinn] er að opnast alveg, en svo eru einhver svæði sem opnast ekki og svo hrynur það ofan í og þá myndast holurnar.“

Frétt af mbl.is

Jörðin gaf sig undan gröfunni

Aðspurður segir hann þetta vera dæmigerðar holur sem myndast þegar jörðin gliðnar. Nefnir hann sem dæmi að sama sé uppi á teningnum í Mývatnssveit og á Þingvöllum. Það sem sé öðruvísi við þetta sé að holurnar eru í byggð.

Lesa má meira um málið í Morgunblaðinu í dag. 

Tengdar fréttir

Eldvirkni á Reykjanesskaga

Myndskeið: Rýkur úr sprungu sem klýfur Hagafell

• Sprunga í Hagafelli vekur athygli
• Ráðast í viðgerðir þrátt fyrir viðvaranir
• Engin kvika undir bænum
• Kostnaður áætlaður 8,6 milljarðar

» Fleiri tengdar fréttir