„Þetta hefur gengið vonum framar. Þjóðin brást vel við og það eru yfir 100 eignir skráðar eins og staðan er núna.“

Þetta segir Karl Pétur Jónsson, upplýsingafulltrúi Framkvæmdasýslunnar - Ríkiseigna.

Frétt af mbl.is

Ríkisstjórnin óskar eftir leiguhúsnæði fyrir Grindvíkinga

Hvetja eigendur eigna í skammtímaleigu til að skrá þær

Karl segir í samtali við mbl.is að haft verði samband við alla sem skráð hafa eign og þá verði sett upp leigutorg á næstu dögum en fyrirkomulag þess verði kynnt í síðasta lagi á morgun.

Segir hann að enn sé verið í þeim fasa að safna saman íbúðunum.

„Við viljum sérstaklega beina orðum okkar til þeirra sem eru eða hafa verið með eignir í skammtímaleigu, hvort sem það eru einstaklingar eða félög sem eru með eignir sem væri hægt að losa núna næstu þrjá mánuðina.“

Framkvæmdasýslan - Ríkiseignir fékk verkefnið í hendur á föstudagsmorgun að sögn Karls en stofnunin hafði sett upp kerfi, auglýsingaherferð og aðferðafræði klukkan 18 sama dag.

Karl segir að um 200 fjölskyldur séu í bráðri húsnæðisþörf ef marka megi gögn frá Rauða krossi Íslands.

„Til að mæta þeirri eftirspurn erum við svona hálfnuð.“

Skrá eign

Tengdar fréttir

Eldvirkni á Reykjanesskaga

Hækka hættumat um mánaðamótin

• Tengist mögulega Sundhnúkagígaröðinni
• Skjálfti upp á 3,3 við Keili
• 760 manns eru í vinnu í Grindavík
• Kvika safnast fyrir og land rís við Svartsengi

» Fleiri tengdar fréttir

• Blogga um frétt