Skjálftar við Hellisheiðarvirkjun
Setja bókamerki
Vel á þriðja tug skjálfta hafa mælst í grennd við Hellisheiðarvirkjun það sem af er degi.
Segja má að hrinan hafi verið mest áberandi á milli klukkan 10 og 14 í dag. Þá mældust þrír skjálftar af stærð 2 eða meiri. Skjálftahrinan heldur þó áfram.
Stærsti skjálftinn reið yfir klukkan 12.55 og mældist 2,5 að stærð. Varð hann í kjölfar annars skjálfta, 2,3 að stærð, sem mældist aðeins tveimur mínútum áður.
Báðir áttu þeir upptök sín undir Húsmúla, skammt norður af virkjuninni.
Um tvær vikur eru liðnar frá því vart varð við stærri hrinu. Stærsti skjálfti hennar var 3,4 að stærð og fannst vel í Hveragerði, eins og mbl.is greindi frá.
Háhitasvæðið að stækka
Fjallað var ítarlega í nóvember um breytingar á jarðhita á háhitasvæðinu í Hveradölum við Hellisheiði.
Greinilegt þykir að háhitasvæðið sé að stækka.
Fossvogslaug ekki í áætlunum Kópavogs
„Það er þá bara alltaf orðrómur“
„Það er stutt á milli stórra atburða“
Engar reglur til að takast á við stöðuna
Leitaði föður síns í kolröngu landi
Hver var hvati Crooks?
Kæru vættir, færið okkur logn!