Alþjóðamálastofnun Háskóla Íslands hefur sent frá sér yfirlýsingu þar sem stofnunin segist harma „þá dapurlegu uppákomu“ sem átti sér stað á hátíðarfundi í Ver­öld, húsi Vig­dís­ar, í gær. 

Frétt af mbl.is

Myndskeið: Glimmeri kastað yfir Bjarna

Rauðu glimmeri var kastað yfir Bjarna Bene­dikts­son ut­an­rík­is­ráðherra og fundinum í kjölfarið aflýst.

Fundurinn var haldinn í samstarfi við forsætis- og utanríkisráðuneyti og átti þar að ræða um mikilvægi mannréttinda í heiminum í tilefni þess að 75 ár eru liðin frá samþykkt mannréttindayfirlýsingar Sameinuðu þjóðanna. 

Frétt af mbl.is

„Pabbi, var einhverju rauðu kastað á þig í gær“

„Því miður komu hávær mótmæli í veg fyrir að fundurinn gæti farið fram, auk þess að ráðist var að utanríkisráðherra sem ætlaði að ávarpa fundinn. Það er alvarleg þróun í samfélagi okkar ef stjórnmálamenn þurfa að óttast um öryggi sitt þegar þeir koma fram á opinberum vettvangi,“ segir í yfirlýsingunni. 

Frá fundinum. Ljósmynd/Aðsend

Þá segir að vonast sé til þess að atvikið vísi ekki á það sem koma skal, „því að lýðræði og mannréttindi þrífast aldrei í samfélagi þar sem fólk vill ekki hlusta á skoðanir hvers annars“.

Pia Hansson, forstöðumaður Alþjóðamálastofnunar, og Guðmundur Hálfdanarson, formaður stjórnar Alþjóðamálastofnunar, undirrita yfirlýsinguna. 

Tengdar fréttir

Ísrael/Palestína

16 drepnir í árás á skóla

• Ísraelsher drap 16 í árás á skóla UNRWA
• Gerðu árásir á ísraelskar herstöðvar
• Rýming á Gasa fyrirskipuð á ný
• Forstjóri sjúkrahúss segist hafa verið pyntaður

» Fleiri tengdar fréttir

Glimmeri kastað á ráðherra

„Ég hef nú sjálf mótmælt“

• Glimmermálið til meðferðar hjá héraðssaksóknara
• Vilja ekki sjá Ísland breytast í þessa átt
• „Alvarlegt atvik í mörgum skilningi“
• Herða öryggi á helfararsamkomu

» Fleiri tengdar fréttir

• Blogga um frétt