Halla Bergþóra Björnsdóttir, lögreglustjóri á höfuðborgarsvæðinu, lítur það alvarlegum augum að starfsfólk lögreglunnar hafi pantað karlkyns fatafellu í fræðsluferð til Auschwitz í Póllandi.

Þetta segir hún í samtali við Ríkisútvarpið en hún tjáði sig ekki um það hvort starfsmennirnir hefðu verið sendir í leyfi. Sagði hún að málið væri til skoðunar og á meðan fengju starfsmennirnir að njóta persónuverndar.

Frétt af mbl.is

Fatafella í hatursglæpaför lögreglunnar

Greint var frá því í gærkvöldi að þrjár starfskonur lögreglunnar á höfuðborgarsvæðinu hefðu pantað þjón­ustu karl­kyns fata­fellu í fræðsluferð lögreglumanna og saksóknara við lögregluembætti til Auschwitz í nóvember og komið sam­ferðafólki sínu að óvör­um með til­tæk­inu.

Starfsfólkið sótti þar námskeiðið „Hat­urs­glæp­ir – upp­gang­ur öfga­afla“. Mikil ólga er sögð vera vegna málsins innan lögreglunnar á höfuðborgarsvæðinu.

Uppfært  kl. 13.50: Halla Bergþóra segir í samtali við mbl.is að lögreglan á höfuðborgarsvæðinu geti ekki tjáð sig um mál einstakra starfsmanna.

Tengdar fréttir

Fatafellumál lögreglunnar

Tjáir sig ekki um fatafellumálið í Póllandi

• Fatafellumálið ekki á borði landssambandsins
• Dapurlegt að lögregla kaupi sér aðgang að líkama annarra
• Fatafella í hatursglæpaför lögreglunnar

• Blogga um frétt