Fatafellumálið ekki á borði landssambandsins
Setja bókamerki
Mál starfskvenna lögreglunnar sem keyptu þjónustu fatafellu í fræðsluferð til Póllands hefur ekki ratað á borð Landssambands lögreglumanna. Þetta staðfestir Fjölnir Sæmundsson, formaður landssambandsins, í samtali við mbl.is.
Greint var frá því á föstudag að þrjár starfskonur lögreglunnar hafi pantað karlkyns fatafellu í fræðsluferð til Póllands um hatursorðræðu í nóvember. Ferðin var á vegum menntaseturs lögreglunnar.
„Landssambandið er ekkert að skipta sér að málunum nema félagsmenn biðji um það,“ segir Fjölnir. „Við höfum enga aðkomu að þessu.“
Lögregla mun ekki tjá sig ekki um málið
Lögreglustjóri á höfuðborgarsvæðinu kveðst líta málið alvarlegum augum en sagði í samtali við mbl.is í gær að lögreglan geti ekki tjáð sig um mál einstakra starfsmanna.
Drífa Snædal, talskona Stígamóta, segir það áhyggjuefni að starfsmenn lögreglunnar hafi keypt sér „aðgang að líkama annarra“.
Segja KÍ hafa leitt skólakerfið í öngstræti
Myndskeið: Rýkur úr sprungu sem klýfur Hagafell
„Það er þá bara alltaf orðrómur“
„Ekkert samtal sem hefur átt sér stað“
Fossvogslaug ekki í áætlunum Kópavogs
Engar reglur til að takast á við stöðuna