Nítján flugferðum seinkað hjá Play
Setja bókamerki
Fyrirhugaðar aðgerðir Félags íslenskra flugumferðarstjóra (FÍF) klukkan fjögur í nótt hafa orðið til þess að Play hefur ákveðið að seinka alls nítján flugferðum hjá sér.
Um er að ræða fimm flug frá Norður-Ameríku og fjórtán flugferðum frá Íslandi til Evrópu.
Ekki hægt að bíða með ákvörðun
Birgir Olgeirsson, upplýsingafulltrúi Play, segir í samtali við mbl.is að félagið hafi ekki getað beðið lengur með að taka ákvarðanir, þar sem enn sé fundað án niðurstöðu hjá ríkissáttasemjara.
Margir farþegar félagins í Norður-Ameríku séu undir venjulegum kringumstæðum á leið út á flugvöll og því þurfi að grípa inn í.
Hann sagði flug frá Bandaríkjunum alla jafnan lenda á fimmta tímanum en munu nú komur þeirra frestast fram yfir klukkan tíu. Brottfarir til Evrópu séu að jafnaði á milli klukkan sex og sjö en færast nú fram yfir klukkan tíu.
Birgir segir að þau flug sem áætluð eru seinni partinn á morgun muni haldast óbreytt en ljóst sé að töluverðar raskanir verði á ferðum farþega félagsins og margir þeirra muni missa af tengiflugi sínu.
140 þurfa að yfirgefa heimili sín
„Ég sé ljósið, ég sé ljósið, ég sé ljósið“
Ísland í úrslitaleik eftir risasigur
Versnandi veður og búist við að færð spillist
Rífur upp alls konar minningar
Orðið lúxusvandamál að velja lögin
Vara við aukinni snjóflóðahættu á Austfjörðum
Fyrstu gíslunum sleppt úr haldi Hamas