Tekinn á 90 á Suðurlandsbraut

Brot 29 ökumanna voru mynduð á Suðurlandsbraut í Reykjavík í dag. Meðalhraði hinna brotlegu var 73 km/klst en þarna er 60 km hámarkshraði. Sá sem hraðast ók mældist á 90 km hraða.

Þetta kemur fram í tilkynningu frá lögreglunni á höfuðborgarsvæðinu.

Fylgst var með ökutækjum sem var ekið Suðurlandsbraut í vesturátt, á móts við Suðurlandsbraut 24. Á einni klukkustund, eftir hádegi, fóru 604 ökutæki þessa akstursleið og því óku nokkrir ökumenn, eða 5%, of hratt eða yfir afskiptahraða. 

Vöktun lögreglunnar á Suðurlandsbraut er liður í umferðareftirliti hennar á höfuðborgarsvæðinu, en þess má geta að sól og þurrt var á meðan hraðamælingunni stóð, að því er lögreglan greinir frá. 

• Blogga um frétt