Varnarsigur var unninn á loftslagsráðstefnunni COP28 með því að minnast í fyrsta sinn á jarðefnaeldsneyti í samkomulaginu sem náðist í borginni Dúbaí í morgun.

Þetta segir Katrín Jakobsdóttir forsætisráðherra.

Frétt af mbl.is

Samkomulag náðist á COP28

„Fólk var orðið mjög svartsýnt um að þetta væri algjörlega farið úr textanum en þegar niðurstaðan kemur, að tala þó að minnsta kosti um jarðefnaeldsneyti og einhvers konar umbreytingu frá því, þá er það að því leytinu til ákveðinn varnarsigur,” greinir hún frá.

Frétt af mbl.is

„Upphaf endaloka jarðefnaeldsneytis“

Hefði viljað ganga lengra

Katrín segir að þessi skilaboð frá fundinum hafi því verið jákvæð þó að hún hefði sjálf viljað ganga lengra. Hún bendir samt á að margt annað gott hafi náð fram að ganga, m.a. áherslan á að halda áfram að takmarka hlýnun jarðar við 1,5 gráðu og aukin áhersla á að byggja á skoðunum vísindamanna.

Frétt af mbl.is

„Raunverulegu samningaviðræðurnar“ að hefjast

Stærsta fréttin frá ráðstefnunni segir hún síðan vera að ákveðið hafi verið að svokölluð hnattræn stöðutaka verði á fimm ára fresti. Með þessu sé komið verkfæri til að fylgja eftir markmiðum Parísarsamkomulagsins.

Tengdar fréttir

Loftslagsvá

Yfir 1.000 jöklar bráðnað í landinu

• „Við erum á leið til glötunar“
• Berjast áfram gegn hlýnun þrátt fyrir sigur Trumps
• Norsk losun ekki minni síðan 1990
• Norrænu ríkin verði að grípa til aðgerða

» Fleiri tengdar fréttir

• Blogga um frétt