Flugfélagið Ernir flýgur til Eyja
Setja bókamerki
Flugfélagið Ernir og Vegagerðin hafa komið að samkomulagi um áætlunarflug frá Reykjavíkurflugvelli til Vestmannaeyja.
Eins og er heldur flugfélagið út áætlunarflugi til tveggja áfangastaða, Hafnar í Hornafirði og Húsavíkur. Með tilkomu áætlunarflugs til Vestmannaeyja eru áfangastaðirnir orðnir þrír.
Flogið þrisvar í viku
Fyrsta flug Ernis til Eyja verður næstkomandi sunnudag og fyrst um sinn verður flogið þrjá daga vikunnar, þriðjudaga, miðvikudaga og sunnudaga, segir í tilkynningu frá Erni.
Fargjaldið mun kosta 17.000 kr. fyrir fullorðna og 10.000 kr. fyrir börn 2-11 ára.
Í síðasta mánuði komst flugfélagið að samkomulagi við við Vegargerðina um áframhaldandi áætlunarflug til Húsavíkur.
Flugi til Eyja fagnað
Í tilkynningu segir að bæjarráð Vestmannaeyja hafi ályktað um samning Ernis og Vegagerðarinnar á fundi í gær og fagnaði tilkomu áætlunarflugsins.
Þá segir í tilkynningu að: „Íris Róbertsdóttir bæjarstjóri í Eyjum segist mjög ánægð að verið sé að taka fyrstu skrefin í að koma áætlunarflugi aftur í gang til Eyja, enda algerlega nauðsynlegt að hafa þann samgöngumöguleika fyrir Eyjamenn.“
Enn fremur segir í tilkynningu að: „G. Ómar Pétursson, rekstrarstjóri Ernis, segir flugið til Vestmannaeyja góða viðbót við starfsemi félagsins og væntir hann góðs af samstarfi við einstakling, fyrirtæki og bæjaryfirvöld.“
„Ég sé ljósið, ég sé ljósið, ég sé ljósið“
Ísland í úrslitaleik eftir risasigur
Rýmingar í Neskaupstað og á Seyðisfirði
Orðið lúxusvandamál að velja lögin
Vopnahléi frestað
Vara við aukinni snjóflóðahættu á Austfjörðum
Rúta valt á Hellisheiði
„Ekkert horft á þarfir samfélagsins“