Margrét Friðriksdóttir sýknuð í Landsrétti

Landsréttur sneri í dag við dómi héraðsdóms og sýknaði Mar­gréti Friðriks­dótt­ur, sem held­ur úti Frétt­in.is, af ákæru um að hafa hótað Semu Erlu Ser­d­aroglu líf­láti. Sema Erla er stofn­andi Solar­is, hjálp­ar­sam­taka fyr­ir hæl­is­leit­end­ur og flótta­fólk á Íslandi. Dómur Landsréttar var kveðinn upp núna klukkan tvö í dag.

Í ákæru málsins var Margrét sökuð um að hafa hótað Semu Erlu líf­láti fyr­ir utan Cafe Benz­in við Grens­ás­veg. Var hún sökuð um að hafa sagt við Semu Erlu á ensku: „I'm gonna kill you, you fuck­ing bitch.“ Gæti það út­lagst laus­lega á ís­lensku sem: „Ég ætla að drepa þig fokk­ing tík­in þín.“

Frétt af mbl.is

Margrét sakfelld fyrir að hóta Semu Erlu lífláti

Ákæruvaldið taldi orð Mar­grét­ar varða við 233. grein al­mennra hegn­ing­ar­laga, en þar segir: „Hver, sem hefur í frammi hótun um að fremja refsiverðan verknað, og hótunin er til þess fallin að vekja hjá öðrum manni ótta um líf, heilbrigði eða velferð sína eða annarra, þá varðar það sektum eða fangelsi allt að 2 árum.“

Héraðsdómur hafði komist að þeirri niðurstöðu að dæma Margréti í 30 daga fangelsi, en sem fyrr segir sýknaði Landsréttur Margréti í dag.

Frétt af mbl.is

Vitni Margrétar vildi ekki mæta í dómsal

Niðurstaðan leiddi til frekari málaferla

Í kjölfar dóms héraðsdóms í febrúar setti Margrét inn færslu á frettin.is þar sem hún gagnrýndi dóm héraðsdóms og fór ófögrum orðum um Barböru Björnsdóttur, dómara málsins við Héraðsdóm Reykjavíkur.

Kallaði Margrét dómarann meðal annars siðblindan og að verið væri að kalla eftir stríði. Þá lét hún einnig orð falla um dómara við Landsrétt. Margrét eyddi færslunni fljótlega eftir birtingu, en Arnar Þór Jónsson, sem hafði verið verjandi Margrétar, sagði sig eftir þetta frá máli hennar. Lögmaðurinn Skúli Sveins­son tók þá við mál­inu en hann er jafn­framt lögmaður Mar­grét­ar í nýju meiðyrðamáli gegn henni.

Frétt af mbl.is

„Hún framdi á mér réttarmorð“

Í byrjun apríl greindi mbl.is frá því að Barbara hefði stefnt Margréti fyrir meiðyrði. Sagði Margrét við mbl.is þá að hún hafi verið miður sín þegar hún skrifaði færsluna því það hafi verið framið réttarmorð á sér.  Spurð út í færsluna sem hafði verið tekin út sagði Margrét þá: „Ég hef vitn­eskju um henn­ar óheiðarlega líferni inn­an dóm­stól­anna. Ég kallaði hana lausláta mellu og ég stend við það, það er mín skoðun og það er tján­ing­ar­frelsi.“

• Blogga um frétt