Arn­ar Hjálms­son, formaður Fé­lags ís­lenskra flug­um­ferðar­stjóra (FÍF), seg­ir í samtali við mbl.is að boltinn sé hjá ríkissáttasemjara í kjaradeilu flugumferðarstjóra við Isavia. Verkfallsaðgerðir munu að óbreyttu hefjast klukkan fjögur í fyrramálið.

Sam­tök at­vinnu­lífs­ins (SA) hafa gefið það út að þau munu ekki mæta á fund rík­is­sátta­semj­ara með flug­um­ferðar­stjór­um nema þeir falli frá verkfallsaðgerðum í komandi viku. 

Frétt af mbl.is

Funda ekki nema verkfalli verði aflýst

Inntur eftir viðbrögðum við þessari yfirlýsingu SA segir Arnar að FÍF muni mæta á fund ef hann verður boðaður. Ekki standi þó til að hætta við aðgerðirnar.

„Það er ekki búið að boða neinn fund og sá bolti er hjá sáttasemjara, og ef það verður boðað til fundar af hálfu sáttasemjara þá bara mætum við að sjálfsögðu. Að öðru leyti ætla ég ekkert að bregðast við yfirlýsingum SA og áróðursherferð þeirra,“ segir Arnar.

Frétt af mbl.is

Staðan snúin og engar samræður átt sér stað

Trúnaðarráð fundar á eftir

Hann segir að einhver símtöl hafi átt sér stað á milli hlutaðeigandi aðila um helgina en að annars sé staðan sú sama og á föstudag þegar fundur deiluaðila með sáttasemjara var afboðaður. Enn stendur til að fara í verkfallsaðgerðir á mánudag og miðvikudag.

„Það sem hefur verið boðað er núna á mánudag og miðvikudag og trúnaðarráð félagsins hittist á eftir. Að öðru leyti ætla ég ekki að tjá mig neitt meira,“ segir hann og útskýrir að trúnaðarráð muni fara „almennt yfir stöðuna“ í kjaradeilunni.

Frétt af mbl.is

„Ég trúi ekki öðru en að fólk sjái að sér“

Tengdar fréttir

Kjaraviðræður

Þarf að koma til móts við ólíkar þarfir lækna

• Þung staða í kjaradeilu kennara
• Reiðubúin að aflýsa verkföllum í fjórum leikskólum
• Boða verkföll í 10 leikskólum til viðbótar
• Viðræður ekkert þokast frá því á þriðjudag

» Fleiri tengdar fréttir

• Blogga um frétt