Vilja ekki „kippa undan“ langtímasamningum
Setja bókamerki
Sigríður Margrét Oddsdóttir, framkvæmdastjóri SA, segir að Samtök atvinnulífsins geti ekki komið til fundar við flugumferðarstjóra á þeim nótum sem í kröfum þeirra felst.
Sagði hún í samtali við mbl.is í gær að SA muni ekki funda með flugumferðarstjórum nema þeir hverfi frá fyrirhuguðum verkfallsaðgerðum.
Aldís Magnúsdóttir, sáttasemjari í deilu flugumferðarstjóra og Isavia, kvaðst í framhaldinu hafa heimildir til að knýja deiluaðila á fund. Hún telur þó ekki ástæðu til þess að svo stöddu.
„Ef við myndum gera það (ganga að kröfum flugumferðarstjóra) myndum við kippa undan grundvelli mögulegra langtíma samninga og raska stöðugleika,“ segir Sigríður Margrét.
Barátta við verðbólgu og vexti allt of mikilvæg
Hún segir baráttuna fyrir minni verðbólgu og lægri vöxtum allt of mikilvæga til þess að hægt sé að ganga að slíkum kröfum.
„Við höfum skilning á því að flugumferðarstjórar vilji sækja sér kjarabætur en við vitum líka að kjarabætur fást ekki með launahækunum umfram það sem innistæða er fyrir,“ segir Sigríður Margrét.
Hún bendir á að heimili og fyrirtæki verði fyrir tjóni á hverjum einasta degi vegna vaxtastigs og verðbólgu. „Okkur mun ekki takast að ná þessu niður nema allir axli ábyrgð,“ segir Sigríður Margrét.
86 milljóna króna hagnaður Icelandair
Íranir hafna allri aðild að banatilræðinu
Lífríki Mývatns er að taka við sér
Frömdu hundruð stríðsglæpa í árásinni
Ráðist á bandaríska herstöð í Írak
Best að skella á og hringja strax í bankann
Sveitalubbinn með Hvíta húsið í sigtinu
Íslenskt tónskáld tilnefnt til Emmy verðlauna