Innlent | mbl | 18.12.2023 | 6:29

Lögðu niður störf klukkan 4 í nótt

Farþegar á gangi í Flugstöð Leifs Eiríkssonar. mbl.is/Eggert Jóhannesson

Vinnustöðvun flugumferðarstjóra hófst klukkan 4 í nótt og stendur hún yfir til klukkan 10. Enginn sáttafundur hefur verið boðaður í deilunni.

Lagasetning í undirbúningi

Reikna má með því að verkfallið hafi áhrif á þúsundir flugfarþega.

Play hliðrar flugi til vegna verkfallsins

Þetta er þriðji verkfallsdagurinn af fjórum sem hafa verið boðaðir í þessum mánuði en flugumferðarstjórar beita verkfallsaðgerðum nú í þriðja skiptið á fimm ára tímabili.

Fjórða vinnustöðvunin er boðuð á miðvikudaginn.

Heill verkfallsdagur nemi 1,5 milljarða tjóni

„Félag íslenskra flugumferðarstjóra (FÍF) hefur boðað til verkfalla flugumferðarstjóra í flugturninum á Keflavíkurflugvelli mánudaginn 18. desember kl. 4:00-10:00 og miðvikudaginn 20. desember kl. 4:00-10:00. Ekkert flug verður þá um völlinn á þeim tíma en undanþágur verða veittar fyrir leitar- og björgunarflug, sjúkraflug og flug á vegum Landhelgisgæslunnar,” segir í tilkynningu frá Isavia.

„Farþegar sem eiga flug til eða frá Keflavíkurflugvelli á þessu tímabili eru hvattir til að fylgjast með upplýsingum frá sínum flugfélögum eða kanna flugáætlun á vef Keflavíkurflugvallar.”