Rannsókn á andláti ungrar konu lokið
Hermann Nökkvi Gunnarsson
Setja bókamerki
Rannsókn lögreglunnar á Suðurlandi, á andláti ungrar konu sem fannst látin í apríl á þessu ári, er lokið og búið er að senda málið til héraðssaksóknara sem mun taka ákvörðun um hvort ungur maður með réttarstöðu sakbornings verður ákærður eða ekki.
Þetta staðfestir Sveinn Kristján Rúnarsson, yfirlögregluþjónn hjá lögreglunni á Suðurlandi.
Kona á þrítugsaldri fannst látin í heimahúsi á Selfossi 27. apríl. Bráðabirgðakrufning á konunni benti til þess að um manndráp væri að ræða þó það hefði ekki legið skýrt fyrir. Maðurinn hafnar því að hafa banað henni með kyrkingu og segist hafa komið að henni látinni.
Sveinn gat ekki tjáð sig um niðurstöðu endanlegar krufningarskýrslu.
Var í gæsluvarðhaldi í 18 vikur
Maðurinn sem liggur undir grun sat í 18 vikur í gæsluvarðhaldi, eða rúmlega fjóra mánuði. Lög um meðferð sakamála kveða á um að ekki megi úrskurða sakborning til að sæta gæsluvarðhaldi lengur en tólf vikur nema að brýnir rannsóknarhagsmunir krefjist þess.
Maðurinn var svo settur í farbann í kjölfar þess að gæsluvarðhaldi lauk en rann það sitt skeið í byrjun desember. Lögreglan fór fram á að farbannið yrði framlengt en Héraðsdómur Suðurlands hafnaði kröfunni. Var sú ákvörðun kærð til Landsréttar en Landsréttur staðfesti ákvörðun Héraðsdóms.
Tók langan tím að fá gögn afhent
Varðandi það af hverju rannsóknin stóð svona lengi yfir, eða nærri 230 daga, segir Sveinn að það hafi verið vegna þess að það hafi tekið langan tíma að fá gögn afhent.
„Við þurftum að bíða töluvert eftir gögnum. Bæði krufningarskýrslan tók langan tíma og rannsóknir tengt krufningunni, eins vorum við að bíða eftir niðurstöðu úr tæknigögnum, símagögnum,“ segir Sveinn.
Vinna hefst í dag við að reisa undirstöður
„Við vöknuðum við hljóð frá sprengingum“
Rannsókn á menningarnæturmáli lokið
Sendi nektarmyndir af dreng sem hann passaði
Hvatti kjósendur til þess að greiða ógild atkvæði
Börnin eiga að ýta við foreldrum sínum
Auka aðgengi að Grindavík