Allir starfsmenn HS Orku eru öryggir og gengur framleiðsla virkjunarinnar í Svartsengi vel. Þetta staðfestir Tómas Már Sigurðsson, forstjóri HS Orku.

Enginn starfsmaður HS Orku var í virkjuninni í Svartsengi þegar eldgosið hófst á ellefta tímanum í kvöld. Hafa starfsmenn virkjunarinnar verið á öðrum starfsstöðvum frá 4. nóvember.

Að sögn Tómasar hafa mælar ekki sýnt breytingar á þrýstingi í borholum og eru vatnsgæði jafnframt í lagi.

„Þetta er réttu megin við varnargarðana fyrir okkur,“ bætir hann við.

Hann segir HS Orku fylgjast vel með framvindunni. 

Tengdar fréttir

Eldvirkni á Reykjanesskaga

Hættumat lækkað í Grindavík

• Rockville borholan tekin í notkun á nýju ári
• „Höfum sloppið bærilega með skaða af þessu gosi“
• Líklegt að farið verði af neyðarstigi í dag
• Væri komið yfir innviði ef ekki væru varnargarðar

» Fleiri tengdar fréttir

• Blogga um frétt