Bæði Flokkur fólksins og Miðflokkurinn hafa lýst stuðningi við lagasetningu í vinnudeilu flugumferðarstjóra við Isavia. Þetta kemur fram í samtali mbl.is við þingflokksformenn flokkanna.

Frétt af mbl.is

Ekki boðaður fundur vegna lagasetningar í dag

Bergþór Ólason, þingflokksformaður Miðflokksins, segir: „Við myndum styðja það að sett yrðu lög á verkfall flugumferðarstjóra eins og staðan liggur núna. Tími, stund og aðstæður eru með þeim hætti að það er ekki önnur leið fær í stöðunni.“

Frétt af mbl.is

„Við vöktum þetta“

„Miðað það sem við höfum heyrt af launakröfum flugumferðarstjóra þá erum við algerlega á því að setja lög á þessa vinnudeilu. Þegar við erum að fara í erfiðan vetur kjaraviðræðna þá verður að stoppa svona,“ segir Guðmundur Ingi Kristinsson, formaður þingflokks Flokks fólksins.

Engin samúð með aðgerðunum

Bergþór er ekki sáttur við aðgerðarleysi stjórnvalda. „Það er hreint ótrúlegt að stjórnin sé enn að væflast með þetta sín á milli og virðast ekki ná samtöðu um að leggja málið fram. Ég hreinlega trúi því ekki að stjórnin ætli að bíða þangað til milli jóla og nýárs með að koma fram með frumvarp. Það hlýtur að koma fram á morgun, ef ekki í dag.“

Guðmundur Ingi talar á sömu nótum. „Ég hef verið að heyra í fólki sem er að lenda í stökustu vandræðum, bæði eru börn þeirra að koma heim eða þá að fólk. Þolinmæðin fyrir þessu er alveg á þrotum. Ég hef ekki hitt einn einasta sem hefur samúð með þessum aðgerðum.“

Tengdar fréttir

Kjaraviðræður

Hefja undirbúning verkfalla

• Staðan óljós eftir fund kennara og sveitarfélaga
• „Fram að því er heimavinna“
• Verkföll í framhaldsskólum gætu orðið ótímabundin
• „Nú gilda reykfylltu bakherbergin“

» Fleiri tengdar fréttir

• Blogga um frétt