„Svo að fólk komist heim til sín um jólin“
Setja bókamerki
Ingibjörg Isaksen, þingflokksformaður Framsóknarflokksins, segir engar formlegar umræður hafa farið fram á Alþingi um að lög verði sett á verkfallsaðgerðir flugumferðarstjóra.
„Það hafa engar formlegar umræður farið fram um þetta, en þetta hefur náttúrulega verið rætt óformlega,“ segir Ingibjörg í samtali við mbl.is.
Veit ekki hvort þing verði kallað saman
Aðspurð kveðst hún ekki geta sagt til um hvort þing verði kallað saman í jólafríinu til að afgreiða frumvarp þess efnis. Morgunblaðið greindi frá því í morgun að heimildir blaðsins hermdu að frumvarp væri í bígerð í innviðaráðuneyti Sigurðs Inga Jóhannessonar.
Spurð hvort sameining ríki um málið þvert á flokkana kveðst hún ekki geta talað fyrir aðra en sig, en að vissulega óski þess flestir að úr málinu verði leyst sem allra fyrst með aðstoð ríkissáttarsemjara.
„Svo að fólk komist heim til sín um jólin.“
Veltir deilumálinu fyrir sér
760 manns eru í vinnu í Grindavík
Fagnar brú sem hann áður gagnrýndi
Jörðin hvorki flöt né kringlótt
Allt hveiti er nú innflutt
Plástrameðferðir sem duga skammt
Flóttafólk vegna skipulagsklúðurs
Skjálfti upp á 3,3 við Keili
