Hraunbreiðan umfangsmikil og stórfengleg
Eldgosið séð úr þyrlu.
mbl.is/Sonja
Setja bókamerki
Ljóst er að gríðarlega mikið magn af hrauni kom upp úr jörðinni í gærkvöldi og í nótt. Blaðamanni mbl.is mætti hraunbreiða engri lík við Hagafell og Stóra-Skógfell um hádegisbilið í dag.
Dregið hefur nokkuð úr krafti eldgossins sem hófst með látum á tíunda tímanum í gærkvöldi. Virknin er hvað mest á tveimur stöðum á sprungunni og þó krafturinn sé minni mátti sjá kvikustrókana teygja sig tugi metra upp í loftið.
Mesta virknin er á tveimur stöðum á sprungunni.
mbl.is/Sonja
Skarpar andstæður
Þyrla Norðurflugs fór létt með flugið þó mikið hvassviðri sé á Reykjanesskaganum og varla var stætt úti er lent var á Sýlingarfelli.
Umfang hraunbreiðunnar er mikið og kolsvart hraunið mætir snævi þakinni jörðinni. Land elds og ísa stendur sannarlega undir nafni þegar þessar miklu andstæður mætast.
Skarpar andstæður á Reykjanesskaga.
mbl.is/Sonja
Dæla, kæla og verja mikilvæg mannvirki
Auka aðgengi að Grindavík
Fundur hafinn hjá kennurum, ríki og sveitarfélögum
Ákærður fyrir stunguárás á menningarnótt
Ekki hægt að slá gosið út af borðinu strax
Fæðuöryggi: „Áttum mat í þrjár vikur“
Falskur fyrirvari á auglýsingum Höllu
Heimildarmenn tala um hápólitískt drama