Eldgosið á Reykjanesskaga hefur dvínað verulega og hraunflæðið ógnar ekki lengur innviðum. Frá þessu greinir Víðir Reynisson, sviðsstjóri al­manna­varna­deild­ar rík­is­lög­reglu­stjóra.

Neyðarstigi almannavarna var lýst yfir í gærkvöldi eftir kröftuga byrjun á fjórða eldgosinu á Reykjanesskaganum á þremur árum.

„Hraunflæðið er ekki að ógna neinu í augnablikinu. Gasið er minna og gosið orðið talsvert minna en það var, þó það sé alls ekki hægt að segja að sé lítið,“ segir Víðir.

Frétt af mbl.is

Nýtt mat: Aukin hætta á gosi án fyrirvara í Grindavík

Gosið er orðið talsvert minna en það var, þó það sé alls ekki hægt að segja að sé lítið, að sögn Víðis Reynissonar. Samsett mynd

Ógnar ekki innviðum

Lítur ekki út fyrir að hraunið ógni innviðum?

„Ekki í augnablikinu. Ef svo verður, þá verður alla vega töluverður tími í það. Hraunið er enn þá að renna á svæði sem veldur engum skaða,“ segir Víðir.

Frétt af mbl.is

Hraunið náð um 40% leiðarinnar að Grindavíkurvegi

Langt frá Grindavíkurvegi

Veður hefur gert mælingarmönnum erfitt fyrir í dag, en nýtt hættumat Veðurstofu Íslands gefur til kynna að hætta hafi aukist á öllum svæðum frá eldra hættumatskorti.

Víðir segir að hraun sé langt frá því að komast að Grindavíkurvegi og þá sé „enn þá lengra að Njarðvíkuræðinni og Svartsengisháspennulínunni“.

Frétt af mbl.is

Nýtt mat: Aukin hætta á gosi án fyrirvara í Grindavík

Tengdar fréttir

Eldvirkni á Reykjanesskaga

Tengist mögulega Sundhnúkagígaröðinni

• Skjálfti upp á 3,3 við Keili
• 760 manns eru í vinnu í Grindavík
• Kvika safnast fyrir og land rís við Svartsengi
• Drógu lærdóm af síðasta gosi

» Fleiri tengdar fréttir

• Blogga um frétt