Innviðir ekki í bráðri hættu

„Núna er ekki bráð hætta á því að innviðum sé ógnað, nema kannski Grindavíkurvegi,“ segir Fannar Jónasson, bæjarstjóri Grindavíkur, í samtali við mbl.is um gosið sem hófst við Sundhnúkagígaröðina, norðan við Grindavík, á ellefta tímanum í gærkvöldi.

Þegar mbl.is sló á þráðinn til Fannars hafði hann nýlega fundað með ráðherranefnd og almannavarnateymum. Fannar segir að áhyggjur sínar og Grindvíkinga lúti að tvennu. Annars vegar að hraun geti runnið suður að Grindavík og hins vegar vestur að orkumannvirkjum í Svartsengi.

Frétt af mbl.is

Eldgos norður af Grindavík

Eldgosið hófst við Sundhnúkagígaröðina, norðan við Grindavík, á ellefta tímanum í gærkvöldi. mbl.is/Kristinn Magnússon

Hann bendir aftur á móti á að hægt sé að bregðast við hraunrennsli í átt að Grindavík „með ýtum og öflugum tækjum sem eru á staðnum“. Því til viðbótar segir hann að ekkert bendi til þess að hraun renni í átt að Svartsengi eins og staðan er núna.

Gert er ráð fyrir að hraunið renni norður fyrir Sýlingafell og svo í vesturátt. Þar sem Grindavíkurvegur þverar garðinn er skarð og er lögð áhersla á að loka því. Kort/mbl.is

„Huga að varnarviðbrögðum“ við hitaveitulögnina

En þrátt fyr­ir að mögu­lega tak­ist að koma í veg fyr­ir að hraun flæði að Svartsengi gæti hita­veitu­lögn frá Svartsengi að Reykja­nes­bæ orðið næst á vegi hrauns­ins, en það myndi stöðva heita­vatns­rennsli til bæj­ar­ins.

Vinna er hafin við að ýta efni í skarðið þar sem Grinda­vík­ur­veg­ur fer í gegn­um varn­argarðinn að norðan. Auk þess hefur heimild verið veitt til þess að rjúfa Grinda­vík­ur­veg sé þess þörf.

„Það hefur verið hugað að því að verja hana [hitaveitulögnina]. Það kom fram á fundi áðan að það yrði haldið áfram að huga að varnarviðbrögðum varðandi þessa lögn. Það er í skoðun,“ segir Fannar.

Frétt af mbl.is

Heimilt að rjúfa veginn og fylla nú í skarðið

• Blogga um frétt