Meðfylgjandi myndskeið var tekið úr þyrluflugi Landhelgisgæslunnar á fimmta tímanum í nótt þar sem flogið var yfir gosstöðvarnar við Sundhnúkagígaröðina. 

Eins og myndskeiðið sýnir eru gígarnir ekki alveg samtengdir eins og virtist í upphafi, heldur virðast þeir vera að byggjast upp í þrjá megingíga eða minni gígaraðir.

Ármann Höskuldsson eldfjallafræðingur nefndi þetta einmitt í samtali við mbl.is fyrr í nótt.

Hraunið nær strax yfir nokkuð víðáttumikið svæði, en það mun koma betur í ljós í birtingu hvernig það liggur.

Í miðju myndskeiðinu má sjá hrauntauminn sem liggur í norðvestur átt frá gossprungunni, en það er norður fyrir Sýlingafellið. 

Tengdar fréttir

Eldvirkni á Reykjanesskaga

„Horfum björt fram á veg“

• Hættustigi lýst yfir
• „Mér líður ömurlega“
• Hættan eykst á gosi í Grindavík
• Myndskeið: Rýkur úr sprungu sem klýfur Hagafell

» Fleiri tengdar fréttir

• Blogga um frétt