Vinna við gerð varnargarðanna við Svartsengi var í fullum gangi þegar blaðamaður leit við á svæðinu eftir hádegi í dag, þrátt fyrir að gos hefði hafist kvöldið áður.

„Gosið hefur engin áhrif á okkar vinnu því það er fátt sem bendir til þess að hraunið renni hingað eins og er,“ segir Davíð Viðar Björnsson, starfsmaður verktakafyrirtækisins Ellert Skúlason ehf. í Njarðvík, við mbl.is.

„Við höldum því áfram ótrauðir vinnunni við að byggja upp garðinn. Það má segja að gosið hafi komið upp á góðum stað og það er þægilegra að vita til þess við þessa vinnu.“

Frétt af mbl.is

Þrengdu skarð við Grindavíkurveg af ótta við hraun

Vinna við gerð varnargarðanna við Svartsengi í dag. mbl.is/Arnþór

Menn létu ekki eldgosið hafa áhrif á störf sín við gerð varnargarðanna við Svartsengi í dag. mbl.is/Arnþór

Vinnu hætt að næturlagi

Hann segir að vinnu við varnargarðana að næturlagi verði hætt í kjölfar gossins en hún hófst fyrir rúmum mánuði síðan.

„Vinnan hefur gengið afar vel en það eru einhverjir dagar í að verkinu verði lokið,“ segir Davíð Viðar.

Hann segir engan ótta vera til staðar hjá mönnum – að vera að vinna við þessar aðstæður nú þegar eldgos er hafið.

„Það eru allir frekar rólegir. Það er vel fylgst með okkur og það er hugsað vel um okkur í alla staði. Við höldum bara okkar striki.“

Frétt af mbl.is

Heimilt að rjúfa veginn og fylla nú í skarðið

Tengdar fréttir

Eldvirkni á Reykjanesskaga

Tengist mögulega Sundhnúkagígaröðinni

• Skjálfti upp á 3,3 við Keili
• 760 manns eru í vinnu í Grindavík
• Kvika safnast fyrir og land rís við Svartsengi
• Drógu lærdóm af síðasta gosi

» Fleiri tengdar fréttir

• Blogga um frétt