Braut persónuverndarlög – Óljóst um miskabætur
Setja bókamerki
Sigurðar G. Guðjónsson lögmaður braut persónuverndarlög með því að birta myndir úr lögregluskýrslu sem fólu í sér persónuupplýsingar um Þórhildi Gyðu Arnarsdóttur.
Þetta kemur fram í úrskurði Persónuverndar.
Þar er Sigurði gert að fjarlægja af facebooksíðu sinni myndir af gögnum lögreglunnar og bréf sem varða sakamál sem Þórhildur Gyða var aðili að. Staðfesting þess efnis þarf að birtast fyrir 15. janúar á næsta ári.
Þórhildur kom fram í viðtali við RÚV árið 2021 og sagðist hafa orðið fyrir ofbeldi af hálfu Kolbeins Sigþórssonar, fyrrverandi landsliðsmanns í knattspyrnu. Hún kærði Kolbein en málið var fellt niður eftir að Kolbeinn greiddi Þórhildi miskabætur og játaði sök.
Sigurður birti myndir úr lögregluskýrslu vegna kæru Þórhildar á facebooksíðu sinni og kærði Þórhildur hann í kjölfarið til lögreglu, Persónuverndar og Úrskurðarnefndar lögmanna.
Persónuvernd vísaði frá þeim þætti kvörtunar Þórhildar sem laut að textafærslu Sigurðar um hana á Facebook.
Ekki ljóst hvort krafist verður miskabóta
Gunnar Ingi Jóhannsson, lögmaður Þórhildar, segir niðurstöður Persónuverndar staðfesta það sem umbjóðandi hans taldi, þ.e. að háttsemi Sigurðar hafi verið ólögmæt og þetta hafi verið meinagerð í hennar garð.
„Ég þekki á þessu stigi ekki hvort umbjóðandi minn telur niðurstöðuna grundvöll til að krefja um miskabætur vegna ólögmætrar meingerðar,” segir Gunnar Ingi í skriflegu svari til mbl.is.
„Þetta er ríkisstjórn almannahagsmuna“
Víkingar komnir yfir 800 milljónir í greiðslur
Funda með þingflokkum
Þetta eru ráðherrar ríkisstjórnarinnar
Barn lést í árásinni
Ók á hóp fólks á jólamarkaði: Einn látinn
