Ríkið þarf að greiða borginni rúma þrjá milljarða
Setja bókamerki
Ríkið þarf að greiða Reykjavíkurborg rúmlega þrjá milljarða króna vegna vangoldinna framlaga úr Jöfnunarsjóði sveitarfélaga. Héraðsdómur Reykjavíkur kvað upp dóm sinn um þetta í dag.
Árið 2020 krafðist Reykjavíkurborg þess að íslenska ríkið greiddi sér fjárhæð sem nam tekjujöfnunarframlögum og jöfnunarframlögum vegna reksturs grunnskóla og framlögum til nýbúafræðslu fyrir árin 2015-2018.
Hlutverk Jöfnunarsjóðs sveitarfélaga er að jafna mismunandi útgjaldaþörf og skatttekjur sveitarfélaga með framlögum úr sjóðnum.
Ólögmætt að útiloka framlög
Borgin hélt því fram í kröfubréfi til stjórnvalda að hún hefði verið útilokuð á ólöglegan hátt frá því að fá ákveðin framlög úr Jöfnunarsjóði sveitarfélaga sem snúa að rekstri grunnskóla og framlaga til nýbúafræðslu. Þá varðar hluti kröfunnar íslenskukennslu erlendra barna en borgin fékk engin framlög vegna þess verkefnis.
„Ákvæði reglugerðar um að útiloka framlög til stefnanda [Reykjavíkurborgar] úr Jöfnunarsjóði [voru] ólögmæt,“ segir í dómi héraðsdóms en þar er ríkinu gert að greiða borginni 3.370.162.909 krónur.
/frimg/1/25/54/1255487.jpg)
Spara stórfé með olíukaupum ytra
Erlendir miðlar greina frá tíunda gosinu
Á algjöru frumstigi eftir þrjár vikur af verkfalli
Myndir: Grindavíkurvegur aftur undir hraun
Átti ekki að láta pirring bitna á sjúklingi
Mæðgur dæmdar til að greiða 64 milljónir
Gosið gæti varað lengur: Meiri fyrirstaða í gosrásinni