Úlfar Lúðvíksson, lögreglustjóri á Suðurnesjum, segir ómögulegt að segja til um það hvort margir Grindvíkingar fari að heimilum sínum í dag en íbúum og starfsmönnum fyrirtækja er nú heimilt að dvelja og starfa í bænum frá klukkan 7 til 16 daglega.

Frétt af mbl.is

Fá nú að dvelja heima frá kl. 7 til 16

„Það er rólegt yfir þessu í augnablikinu. Það er stöðufundur hjá okkur klukkan 9 og þá förum við yfir það sem liðið er og það sem framundan er,“ segir Úlfar við mbl.is.

Veðurstofa Íslands gaf út nýtt hættumatskort í gærkvöld og í kjölfarið tók lögreglustjórinn á Suðurnesjum þá ákvörðun að heimila íbúum og starfsmönnum fyrirtækja að dvelja og starfa í bænum á áðurnefndum tíma. Ekki er talið öruggt að dvelja í bænum að næturlagi.

Frétt af mbl.is

Þungbært að taka þessa ákvörðun

Úlfar segir að það verði sama eftirlit á lokunarpóstum og verið hefur en íbúum og starfsmönnum fyrirtækja verður ekki fylgt inn í bæinn en viðbragðsaðilar verða til staðar.

„Vonandi gengur þetta allt vel og allir þeir sem koma í bæinn eru meðvitaðir um þessar hættur sem eru til staðar,“ segir Úlfar.

Frétt af mbl.is

Kvikustrókavirkni og vindátt hagstæð

Ef til þess kemur að rýma þurfi bæinn verði það gefið til kynna með hljóð- og ljósmerkjum og viðbragðsaðilar munu bregðast skjótt við.

Tengdar fréttir

Eldvirkni á Reykjanesskaga

Taka þarf ákvarðanir um framtíð Grindavíkurbæjar

• Kvikusöfnun 80% af því sem var fyrir síðasta gos
• Saksóknari staðfestir hæfi lögreglustjórans
• „Við vorum alveg á nippinu“
• Funduðu að næturlagi vegna gruns um kvikuhlaup

» Fleiri tengdar fréttir

• Blogga um frétt