Allir þrír drengirnir flognir út með föður sínum
Setja bókamerki
Allir þrír drengir Eddu Bjarkar Arnardóttur, sem lögregla hefur leitað lengi, eru fundnir og eru nú í flugi ásamt föður sínum á leið til Noregs.
Þetta herma heimildir mbl.is.
Eins og mbl.is greindi fyrst frá í dag þá fundust tveir drengjanna í dag. Þá voru systir Eddu og lögmaður hennar tekin höndum.
Stöðvuðu bíl systur hennar
Fundur tveggja drengjanna og handtakan atvikuðust þannig að óeinkennisklæddir lögreglumenn stöðvuðu bíl systur hennar skömmu eftir að hún og drengirnir yfirgáfu kaffihús um tíuleytið í morgun.
Með í för var jafnframt barn systur Eddu sem einnig var fært í umsjá barnaverndar tímabundið. Lögmaður Eddu var svo handtekinn á lögmannsstofu sinni skömmu síðar.
Var framseld og situr nú sakamál
Yfirvöld hafa leitað drengjanna um nokkurt skeið til að framkvæma aðfarargerð. Í henni felst að yfirvöld færi drengina í forsjá föður síns í Noregi.
Málið á rætur að rekja til þess þegar norskur dómstóll úrskurðaði að þrír drengja þeirra, 12 ára tvíburar og 10 ára, skyldu hafa lögheimili hjá föður sínum og að hann skyldi einn fara með forsjá þeirra.
Edda nam þá drengina á brott frá heimili þeirra í Noregi fyrir einu og hálfu ári gegn vilja föður þeirra og fór til Íslands.
Edda var svo handtekin um mánaðamótin og framseld til Noregs þar sem hún situr nú sakamál fyrir að nema drengina á brott.
Pólverjar horfa í auknum mæli hingað til lands
Nokkrar skriður féllu á Vestfjörðum
„Allt í rusli“ við brúargerð á Vestfjörðum
Taldi betra fyrir drengina að deyja
Sleginn yfir grófri framkomu gegn fjölskyldunni
Komu fólki til aðstoðar í Ísafjarðardjúpi
Önnur aurskriða við Eyrarhlíð
Jón „mun ekki koma nálægt meðferð hvalamálsins“