Kvikustrókavirkni og vindátt hagstæð
Setja bókamerki
Um 20 jarðskjálftar hafa mælst yfir kvikuganginum á Reykjanesskaga frá miðnætti. Sá stærsti var 1,9 að stærð og átti upptök sín úti fyrir landi.
Skjálftavirknin hefur verið mjög lítil í nótt en áfram er órói, að sögn Einars Hjörleifssonar, náttúruvársérfræðings á Veðurstofu Íslands.
Áfram hefur sést kvikustrókavirkni við Sundhnúkagíga í nótt á vefmyndavélum en skoða þarf svæðið betur við birtingu.
„Líklega mallar þetta áfram í svipuðum dampi og í gær,” segir Einar. Litlar breytingar hafa verið á mæligögnum Veðurstofunnar frá því í gær, þegar dró úr krafti gossins.
Einar bætir við að gasmengun muni berast til suðausturs og út á haf í dag. Vindáttin virðist því vera mjög hagstæð.
Nýtt hættumatskort Veðurstofu Íslands tekur gildi klukkan 7. Íbúum og starfsmönnum fyrirtækja verður heimilt að dvelja og starfa í Grindavík frá kl. 7 til kl. 16 daglega.
Vísindamenn Veðurstofunnar funda síðan með almannavörnum klukkan 9.30.
/frimg/1/53/7/1530787.jpg)
Flogið á milli ljósaskipta
Hótar Bretum og Bandaríkjamönnum
Virknin dregist saman um 600 metra
„Má segja að þetta gos hafi þjófstartað“
Yfir 300 stæði fóru undir hraun
Mjög alvarlegt ef Njarðvíkuræð gefur sig
Maskína: Framsókn í fallbaráttu
Hraunið við bílastæði Bláa lónsins