Freyja kölluð út til Vestfjarða fyrir helgina

Áhöfn Freyju, varðskips Landhelgisgæslunnar, hefur verið kölluð út að beiðni lögreglunnar á Vestfjörðum vegna slæmrar veðurspár og hugsanlegrar snjóflóðahættu um helgina.

Frá þessu greinir Landhelgisgæslan í tilkynningu en Veðurstofa Íslands hefur gefið út gular viðvaranir á vesturhluta landsins. Veðurspá helgarinnar er ekki góð og hætta á að færð spillist og snjóflóðahætta myndist á Vestfjörðum.

Gert er ráð fyrir að Freyja haldi úr höfn á Siglufirði um miðnætti og verði komin vestur á firði í fyrramálið. 

Átján manna áhöfn skipsins, sem var á bakvakt, brást skjótt við kallinu og hóf þegar undirbúning fyrir brottför. Miðað við veðurspá eru allar líkur á að skipið verði til taks á Vestfjörðum fram yfir helgi.

Frétt af mbl.is

Gul viðvörun á Þorláksmessu

• Blogga um frétt