Veðurstofan lýsir yfir óvissustigi

Veðurstofa Íslands hefur lýst yfir óvissustigi vegna hugsanlegrar snjóflóðahættu á norðanverðum Vestfjörðum. Óvissustigið tekur gildi á miðnætti í kvöld.

Frá þessu greinir almannavarnadeild ríkislögreglustjóra á Facebook en Hjördís Guðmundsdóttir, samskiptastjóri almannavarna, útskýrir í samtali við mbl.is að óvissustig veðurstofu sé ólíkt óvissustigi almannavarna.

Frétt af mbl.is

Appelsínugul viðvörun á Vestfjörðum

Möguleiki á óvissustigi almannavarna

„Við erum ekki komin á óvissustig almannavarna en það er ekkert óvanalegt að það geti gerst. Það fer svolítið eftir veðurspánni,“ segir Hjördís.

Veður­stof­an hef­ur til­kynnt að mik­il hætta sé tal­in vera á að snjóflóð falli á norðan­verðum Vest­fjörðum á morg­un, aðfanga­dag. App­el­sínu­gul viðvör­un tek­ur gildi á Vest­fjörðum klukk­an 5 í fyrra­málið og gild­ir til klukk­an 10.

Frétt af mbl.is

Mikil hætta á snjóflóðum á aðfangadag

Byggð ekki talin í hættu

Byggð er ekki talin í hættu eins og er, að sögn Ólívers Hilm­ars­sonar en hann er ofanflóðasérfræðingur á Veðurstofu Íslands.

Aftur á móti er möguleiki á því að ofanflóð falli yfir vegi og snjóflóðahætta er tal­in mögu­leg á Flat­eyr­ar­vegi í kvöld, að því er fram kem­ur á vef Vega­gerðar­inn­ar.

Frétt af mbl.is

„Fyrsti norðanhvellurinn í vetur“

Vegna veðurs og snjóflóðahættu mun veg­in­um um Súðavík­ur­hlíð á Vest­fjörðum verða lokað klukk­an 22.00 í kvöld.

Áhöfn Freyju, varðskips Land­helg­is­gæsl­unn­ar, var kölluð út að beiðni lög­regl­unn­ar á Vest­fjörðum vegna slæmr­ar veður­spár og hugs­an­legr­ar snjóflóðahættu um helg­ina. Varðskipið er mætt vest­ur á firði.

Frétt af mbl.is

Blint á fjallvegum

• Blogga um frétt